موچه‌ی خانه‌نشینانی عێراق زیاد ده‌كرێت

لیژنه‌ی دارایی ئه‌نجومه‌نی نوێنه‌رانی عێراق رایگه‌یاند، موچه‌ سه‌رجه‌م خانه‌نشینانی پله‌ نزم زیاد ده‌كرێت و چاوه‌ڕوانیشده‌كرێت بۆ هه‌ریه‌كه‌یان بڕی 100 هه‌زار دینار زیاد بكرێت.

به‌گوێره‌ی راگه‌یه‌ندراوێكی لیژنه‌ی دارایی په‌رله‌مانی عێراق، ئه‌مڕۆ لینه‌كه‌یان میوانداری ماهر ره‌شید به‌یاتی سه‌رۆكی ده‌سته‌ی خانه‌نشینی نیشتمانی و به‌ڕێوه‌به‌ری گشتی سندوقی فه‌رمانبه‌رانی ده‌وڵه‌ت و شاندی یاوه‌ریان كردوه‌، بۆ تاوتوێكردنی كاره‌كانی ده‌سته‌كه‌ و ڕێكاره‌كانی هه‌مواركردنه‌وه‌ی یاسای خانه‌نشینی یه‌كگرتو.

پێشبینی ده‌كرێت موچه‌ی پله‌ نزمه‌كانی خانه‌نشینان به‌ بڕی 100 هه‌زار دینار زیاد بكرێت

ئه‌حمه‌د مه‌زهه‌ر جبوری جێگری یه‌كه‌می سه‌رۆكی لیژنه‌ی دارایی په‌رله‌مان ئاشكرایكردوه‌، “پێشبینی ده‌كرێت موچه‌ی پله‌ نزمه‌كانی خانه‌نشینان به‌ بڕی 100 هه‌زار دینار زیاد بكرێت له‌ ڕێگه‌ی لیژنه‌یه‌كی حكومییه‌وه‌ كه‌ به‌پێی به‌رنامه‌ی حكومه‌ت پێكهێنراوه‌”.

پێویسته‌ پێداچونه‌وه‌ به‌ كاره‌كانی ده‌سته‌ی خانه‌نشینی بكرێت

لای خۆیه‌وه‌ عه‌توان عه‌توانی سه‌رۆكی لیژنه‌ی دارایی جه‌ختی له‌سه‌ر پێویستی پێداچونه‌وه‌ به‌ كاره‌كانی ده‌سته‌ی خانه‌نشینی كردۆته‌وه‌، بۆ ته‌واوكردنی مه‌رجه‌كانی پێشكه‌شكردنی باشترین خزمه‌تگوزاری بۆ هاوڵاتیان.

سیستمی ئه‌لیكترۆنی خانه‌نشینی له‌ ده‌سته‌كه‌دا یه‌كێكه‌ له‌ پڕۆژه‌ گرنگه‌كان

عه‌توان عه‌توانی ئاماژه‌ی به‌وه‌شكردوه‌، “سیستمی ئه‌لیكترۆنی خانه‌نشینی له‌ ده‌سته‌كه‌دا یه‌كێكه‌ له‌ پڕۆژه‌ گرنگه‌كان له‌ چوارچێوه‌ی كاره‌ له‌پێشینه‌كانی لیژنه‌كه‌ بۆ خێراكردنی ته‌واوكردنی مامه‌ڵه‌كان و نه‌هێشتنی رۆتیناته‌كان”.

لای خۆیه‌وه‌ ماهر مه‌زهه‌ر به‌یاتی سه‌رۆكی ده‌سته‌ی خانه‌نشینی یه‌كگرتو، پێداچونه‌وه‌ی به‌و ڕێوشوێنانه‌ كرد كه‌ گیراونه‌ته‌به‌ر بۆ په‌ره‌پێدانی كاره‌كانیان و ئه‌و ئاسته‌نگانه‌ی ڕوبه‌ڕوی پێشكه‌شكردنی باشترین خزمه‌تگوزارییه‌كان ده‌بنه‌وه‌، هه‌روه‌ها ئاماژه‌ی به‌ بونی پاكێجێك له‌ ڕێوشوێنه‌كان كرد، له‌وانه‌ش داڕشتنی پلانێكی كورتخایه‌ن و ماوه‌ی مامناوه‌ند بۆ كۆتاییهێنان به‌ كاغه‌زه‌كان و به‌ئه‌لیكترۆنیكردنی سیسته‌می دامه‌زراوه‌كه‌، كاركردن بۆ ئه‌رشیفكردنی هه‌مو دۆسیه‌ و داتاكان به‌ شێوه‌یه‌كی ئه‌لیكترۆنی، جگه‌ له‌ دروستكردنی ئه‌پڵیكه‌یشنێك له‌ سه‌ر ته‌له‌فۆنه‌كان بۆ ئاسانكاری پرۆسه‌ی په‌یوه‌ندیكردن و به‌دواداچون له‌گه‌ڵ هاوڵاتیان.

سه‌باره‌ت به‌ هه‌مواركردنه‌وه‌ی یاسای خانه‌نشینی یه‌كگرتو، ماهر مه‌زهه‌ر به‌یاتی پێكهێنانی لیژنه‌یه‌كی په‌یوه‌ست به‌ دانانی ڕێنمایی بۆ جێبه‌جێكردنی یاساكه‌ ئاشكرا كرد كه‌ كاری له‌سه‌ره‌كی لیژنه‌كه‌ هه‌مواركردنه‌وه‌ی گونجاو و ڕێكخستنی میكانیزمه‌كانی كاركردن ده‌بێت به‌ ده‌ركردنی ڕێنمای نوێ بۆ كۆتاییهێنان به‌ ناكۆكی نێوان یاسادانان و یاسای یه‌كگرتوی خانه‌نشینی.

ئه‌نجومه‌نی زێڕی جیهانی بۆ مانگی (ئه‌یلول/9)ی ئه‌مساڵ رایگه‌یاند، یه‌ده‌گی زێڕی وڵاتانی عه‌ره‌بی 15 هه‌زار و 151 ته‌ن زێڕ بوه‌، له‌كاتێكدا یه‌ده‌گی زێڕی وڵاتانی جیهان به‌ كۆی گشتی گه‌یشتوه‌ته‌ 356 هه‌زار و 645 ته‌ن.

به‌پێی ڕاپۆرتی ئه‌نجومه‌نی زێڕی جیهانی بۆ مانگی (ئه‌یلول/9)ی 2023، بڕی ئه‌و زێڕه‌ی له‌ لایه‌ن بانكه‌ ناوه‌ندییه‌كانه‌وه‌ هه‌یه‌ نیشانی ده‌دات، “پێنج وڵاتی عه‌ره‌بی پشكی شێر نزیكه‌ی 69% له‌ كۆی یه‌ده‌گی وڵاتانی عه‌ره‌بی له‌ كانزای زه‌رده‌كه‌ پێكده‌هێنن”.

پێنج وڵات نزیكه‌ی 69% له‌ كۆی یه‌ده‌گی وڵاتانی عه‌ره‌بی له‌ كانزای زه‌رده‌كه‌ پێكده‌هێنن

ئه‌وه‌شخراوه‌ته‌ڕو، ئه‌و وڵاتانه‌ بریتین له‌ سعودیه‌ به‌بڕی سێ هه‌زار و 231 ته‌ن، لوبنان 2 هه‌زار و 868 ته‌ن، جه‌زائیر یه‌ك هه‌زار و 736 ته‌ن، عێراق یه‌ك هه‌زار و 326 ته‌ن، میسر یه‌ك هه‌زار و 259 ته‌ن.

ئه‌مریكا 81 هه‌زار و 335 ته‌ن له‌ یه‌ده‌گی زێڕ له‌ پله‌ی یه‌كه‌می جیهاندایه‌

له‌ ئاستی جیهانیشدا ئه‌مریكا 81 هه‌زار و 335 ته‌ن له‌ یه‌ده‌گی زێڕ له‌ پله‌ی یه‌كه‌می جیهاندایه‌، له‌ پله‌ی دوه‌مدا ئه‌ڵمانیا 33 هه‌زار و 526 ته‌ن، دواتر ئیتاڵیا 24 هه‌زار و 518 ته‌ن، پاشان فڕه‌نسا 24 هه‌زار و 369 ته‌ن له‌ دوای ئه‌ویش ڕوسیا به‌ یه‌ده‌گی 23 هه‌زار و 296 ته‌ن زێڕی هه‌یه‌.

ساڵانی ڕابردو بانكه‌ ناوه‌ندییه‌كانی جیهان خواستی زۆریان كڕینی ئه‌و كانزا به‌نرخه‌ له‌ ژێر ڕۆشنایی هه‌ڵاوسانی ئابوری و به‌رزی ڕێژه‌ی هه‌ڵاوسان هه‌بو.